گؤیلوم چکیب تالانام
کوچه لرَه جالانام
 بیر قاری ائششگ ایله
شهر ایچینده دولانام

قورو دور داغ ای یاغیش
سوسوز دور باغ ای یاغیش
دؤرد طرَفدَن اود یاغیر
بیر داملا یاغ ای یاغیش

دالغالی،توفانلی دیر

دنیزلری قانلی دیر

کئچن گونلریم قارا

صاباحیم دومانلی دیر

کیشی قهر ائیله ییب،آرواد دانیشمیر

حایاتین چرخی فیرلانمیر،چالیشمیر

باسیب خالقی اومید سیزلیق،قارانلیق

اوپوش،سئوگی،قوجاق،هیشزاد یاپیشمیر

بیر اتک گول دَرمیشه م
دریب یئله وئرمیشه م
سن سیز یاش حسرتیمى
گؤزلریمه سَرمیشه 

آغ ائششک ده پالان وار !

پالانینی آلان وار !

آغ ساققالین دیلینده
قالاق قالاق یالان وار  !

قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

موم اولدوم،خمیر کیمین
اییلدیم دمیر کیمین
سن سیز گؤزلریم اولوب
قوروموش کویر کیمین

ییقیشد یریب دارا پول !
چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!